بسم الله الرحمن الرحيم
×××
17-10-2009
×××
اسأل سؤاااااال
\ \ \
ياترى بديت يومك بالطــــــــاعه
وصحيت ونفسك حاسه بقنــــاعه
وصليت الفجرفى المسجد جماعه
وقريت فى المصحف بكل قنـــاعه
ولا صحيت بعد الشمس بســــــاعه
\ \ \
بلاش دى
\ \ \
اسأل سؤال ياريت تجابوا علـــيه
وبكل صراحه ولا اقول منكم بريه
مين اللى صحى وباس ايد والديــه
ومين اللى جرى شاف طلباتهم ايـه
ومين قدم لهم اللى عايزينــه با اديـه
\ \ \
وبلاش دى كمان
ماشى
\ \ \
بلاش اقول مين زار الارحـــــــام
لكن مين اتصل وبلغهم منه السلام
ولا سألتم عليهم حتى بالكــــــــلام
واولادكم عارفينــهم ولا دى اوهام
وبتزروهم ولا مافيش انسجـــــــام
\ \ \
ايه !!! وبلاش دى كمان
ماشى
\ \ \
ياترى اخباركم ايه مع الجيــــــــــــران
بتتعاملوا معاهم زى الاهل والخــــــلان
ولا قافلين فى وشهم الباب والشباك كمان
ولا فيه ســـــــــــــــــلام ومحبه وامــــان
وأخد وعـــــــطا وبر واحســـــــــــــــــان
\ \ \
دى كمان بلاش
ماشى
\ \ \
ياترى كل عملكـــــــــــــــم فيه لله
لوجالك فقير بتـــــــراعى ربنا وياه
وبتقضى مصلحــته وبترضى بدعاه
وبتتصدق عليه وبتسعد قوى برضاه
ولا بتبص للايافه واللى معرض قفاه
\ \ \
لالالا !!! ماشى
ودى كمان بلاش
\ \ \
طيب رفعتم الاذى عن طــريق
ولاقلتم كلمه طيبه لصــــــــديق
ولا اشتغلتم سوى بروح الفريق
ولا مشيتم بين الناس بالتوفـــيق
ولا كل واحد منا فى هواه غريق
\ \ \
متزعلوش
\ \ \
حد ياترى لمريضـــــــــه زاره
ووصل بالرضا لحـــــــــد داره
واطمن عليه وعرف منه اخبـاره
طب حد فى يومه مشى فى جنازه
ولا انتم من الكلام ده فى اجـــازه
\ \ \
طب ليه السؤال
\ \ \
من خوفى عليكم والله بسألكــــم
وبسأل نفسى كمان زيكـــــــــــــم
ان كنتم قصرتم انا قبليكـــــــــــــم
يلا نلحق وايدى اهه فى اديكــــــــم
وربنا من المعاصى ينجينى وينجيكم
\ \ \
يترى خلصت
\ \ \
والله الاسئله اصلها عندى كتـــــــير
عايز لها اجابه وعايز لها تفســــــــير
ومن كتر اللى عندى اتشل منى التفكير
نفسى اخدكم فى ايدى وعلى الجنه نطير
لكن انا فى التفكير وربنا صاحب التدابـير
\ \ \
طب تعالوا نعترف
\ \ \
وانا اولكم فى حق ارواحنا مقصـــــــرين
ومشينا فى طريق الضلاله ومش دارين
وغرنا الامل فى الدنيا وطول السنـــــين
والصحه والمال والجاه وكمان البنـــــين
مدامتش لحد خلوا بالكم لتكونوا ناســــين
\ \ \
طب يلا سوا
\ \ \
نرجع باخلاص وندم لرب العالمـــــــين
ونبكى بالدموع واحنا فى الصلا ساجدين
وندعيه انه يرحمنا وهو ارحم الراحمـين
يارب واقفين على بابك لرحمتك طالــبين
فبعوفك وفضلك متردناش الا مجبــــورين
\ \ \
مابتقلوش امين ليه
قولوا من القلب امين
اللهم امين
الفقير لله
الشــ قاوىــــر
said:
said:
said:
said:
said:
said:
said:
said:
said:
من مصر